دوشنبه، د زمري ۵مه، ۱۴۰۵

 

د وچې مېوې د صادروونکو د اتحادیې محترم رئيس ښاغلي حاجي قاسم امرخېل د خونې په مرکزي دفتر کې د مدیره پلاوي له رئيس او مرستیالانو سره وکتل. په دې لیدنه کې د وچې مېوې د صادروونکو پر ستونزو، د حل پر لارو چارو او د وچې مېوې د صادراتو پر وړاندې د پرتو وړاندیزونو په اړه خبرې وشوې. د خونې مشرتابه پلاوي د ستونزو د حل، د ویزو په چمتو کولو او د وچې مېوې د صادراتو په برخه کې د اسانتیاوو د رامنځته کولو په لاره کې د همکارۍ ډاډ ورکړ او ژمنه یې وکړه، چې د شته ستونزو د حل په موخه به د افغانستان اسلامي امارت له اړوندو ادارو سره عملي ګامونه پورته کړي.