د افغانستان د سوداګرۍ او پانګونې اتاق عامل رئیس ښاغلي سید زمان هاشمي د هرات د سوداګرۍ او پانګونې اتاق رئیس ښاغلي یونس قاضي زاده سره یو ځای د چهارشنبه په ورځ د هرات ولایتي اتاق د اجرائیه څانګې کارکوونکو سره ولیدل.

د هرات د سوداګرۍ او پانګونې اتاق رئیس ښاغلي یونس قاضي زاده د ښاغلي هاشمي ورتګ هرات ته یو نیک ګام وباله او د مرکزي اتاق د اجرائیه څانګې د فعالیتونو ستاینه يې وکړه.

نوموړي زیاته کړه چې د هرات د سوداګرۍ او پانګونې اتاق تل هڅه کوي چې خپلې ورسپارل شوې دندې په سم ډول ترسره او د مرکزي اتاق خوښي خپله کړي.

وروسته بیا د هرات ولایتي اتاق ټولو کارکوونکو په جلا ډول د خپلو کارونو او ددوی په لاره کې د شتو ستونزو او ننګونو یادونه وکړه.

په پای کې د افغانستان د سوداګرۍ او پانګونې اتاق عامل رئیس ښاغلي سید زمان هاشمي د هرات ولایتي اتاق کارکوونکو د هڅو ستایلو تر څنګ زیاته کړه چې دوی ته هره هغه طرحه او وړاندیز د منلو وړ دی چې د اداري کارونو د لاښه والي سبب ګرځي.