د افغانستان د سوداګرۍ او پانګونې خونې عمومي رئیس، ښاغلي الحاج سید کریم هاشمي د افغانستان د صنایعو او کانونو خونې عمومي رئیس، ښاغلي الحاج احمد نبيزاده، د یادې خونې صنعتي مرستیال، الحاج خان محمد وردګ او ملي صنعتکار، الحاج ذبیحالله سره د عمومي ریاست په دفتر کې وکتل او د ګډو همکاریو په اړه یې بحث او د نظرونو تبادله وکړه.
په دې ناسته کې د بېلابېلو سوداګریزو او صنعتي موضوعاتو په اړه، په ځانګړي ډول د لویو سهامي شرکتونو د جوړولو پر موضوع خبرې وشوې، او د دواړو خونو مشرتابه د اقتصادي برخو په بېلابېلو ساحو کې پر لا زیاتې همکارۍ او همغږۍ ټینګار وکړ.
همدارنګه، د افغانستان د سوداګرۍ او پانګونې خونې او د صنایعو او کانونو خونې رئیسانو ژمنه وکړه چې له شته فرصتونو څخه په ګټنې به د بهرنیو هېوادونو سوداګر او پانګوال وهڅوي څو د افغانستان په بېلابېلو اقتصادي سکتورونو کې پانګونه، او د بهرنۍ پانګونې د اسانتیاوو د برابرولو لپاره به هڅې وکړي.
سهشنبه، مرغومې ۲۳مه، ۱۴۰۴
