د افغانستان د سوداګرۍ او پانګونې اتاق سرپرست رئیس ښاغلي شفیق الله عطايې د هېواد د ټرانسپورټ له وزیر ښاغلي قدرت الله ذکي سره د لیدنې په ترڅ کې د ټرانسپورټ سکتور او تیر سیستم ستونزو په اړه خبرې اترې وکړی.

 

په دی ناسته کې د اتاق د (TIR) مسؤل او د ټرانسپورټ په برخه کې د اتاق سلاکار ښاغلي امام محمد وریماچ هم ګډون درلود.

 

ښاغلي عطايې وویل "د ډیرو ستونزو سره سره، اتاق د تیر سیستم د تطبیق په برخه کې خپلې ټولې هڅې کړي دي."

 

ښاغلي عطايې د تیر سیستم تطبیق په برخه کې لاندی څو ځانګړو موارو ته اشاره د اشارې کولو ترڅنګ، د ټرانسپورټ وزارت د همکارۍ غوښتنه وکړه:

 

• د ټرانسپورټي شرکتونو، چلوونکو او هغو خلکو د مسلکي روزنې په موخه چې د تیر سیستم په عملي کولو کې رول لوبوي، د (IRU) انسټیټیوټ رامنځته کول

• د تیر پروژو د تخنیکي پروسو ګړندئ کول

• ددی پروژو د تطبیق په برخه کې د اتاق اعلام

• د تیر دویم ملي کنفرانس د په لاره اچولو او کارنت موضوع

 

ښاغلي قدرت الله ذکي په داسې حال کې چې ښاغلي عطايي او ورسره ملګري ټیم ته یې ښه راغلاست وویل، د تیر سیستم د تطبیق په برخه کې يې د ترانسپورټ وزارت یوه تخنیکي ټیم رامینځته کولو په تړاو د وزارت د چمتووالي ډاډ ورکړ. او د ټرانسپورټ او ترانزیت ستونزو د حل په برخه کې يې د خپلو کاري پروګرامونو او د سیمې هېوادونو د همکارۍ یادونه وکړه.

 

نوموړي د هیواد د ترانسپورټ او ترانزیت فعالیتونو په لاره کې اصلي ننګونې امنیتي ستونزې وبللې او د ترانسپورټ په سکتور کې د لویو پروژو په پلي کولو کې يې د خصوصي سکتور همکاري اړینه وبلله.

 

ښاغلي ذکي د یاد سیستم په پلي کولو او د هیواد د ترانسپورت او ترانزیتي ستونزو د حل په برخه کې د افغانستان د سوداګرۍ او پانګونې اتاق سره د هر ډول همکارۍ ژمنه وکړه.