ښاغلي الحاج آرین زلګي عظیمي، د افغانستان د سوداګرۍ او پانګونې خونې د پانګونې مرستیال، د محترم سخي احمد نورزاد، د خونې د مدیره پلاوي غړي په حضور کې، له محترم حاجي محمد طاهر، د ګلبهار سنتر د صرافانو د اتحادیې رئیس، ښاغلي رئیس مراد د سرای شهزاده له پیژندل شویو صرافانو څخه او د یادې اتحادیې له یو شمېر غړو سره په مرکزي دفتر کې وکتل او د دوی د ستونزو او وړاندیزونو په اړه یې بحث وکړ.
د ګلبهار سنتر د صرافانو د اتحادیې رئیس له خپلې خوا د صرافانو د ستونزو او وړاندیزونو په وړاندې کولو سره له خونې ملاتړ څرګند کړ او د خونې د مشرتابه پلاوي څخه یې د دوی د ستونزو د حل په برخه کې همکاری وغوښته.
ښاغلي زلګي عظیمي د افغانستان د سوداګرۍ او پانګونې خونه د ټولو سوداګرو او پانګوالو ګډ کور وباله او د دوی د ستونزو د حل په برخه کې یې د همکاری ژمنه وکړه. نوموړي د هېواد د شمالي سیمو د وروستۍ زلزلې په اړه خبرې وکړې، د خونې لخوا د زیانمنو کسانو لپاره د نقدي مرستو لېږد یادونه وکړه، او له ټولو سوداګرو او صرافانو یې وغوښتل چې لکه پخوا، د زلزلې له اغېزمنو کسانو سره د مرستې په برخه کې هڅې جاري وساتي.
