ښاغلي محمد یونس مهمند د افغانستان د سوداګرۍ او پانګونې اتاق لومړي مرستیال، د ختیځ زون یو شمېر سوداګرو او پانګوالو، ښاغلي عتیق الله مومن زاده، ښاغلي صمیم هاشمي د اتاق دولت سره د اړیکو ډیپارټمنت مسؤل، او ښاغلي زلمي عظیمي د مالیې وزارت د ګمرکونو له معین سره وکتل او د تېر کلونو د مالیاتي اسنادو د بررسۍ په اړه یې د سوداګرو ستونزې شریکې کړې.
ښاغلي مهمند، د ختیځ زون سوداګرو ستونزې یې په تفصیل سره د مالیې وزارت معین ته وړاندې کړې او له هغه څخه یې د دغو ستونزو د حل په موخه د عملي ګامونو پورته کولو غوښتنه وکړه.
ښاغلي عتیق الله مومن زاده، د دې زون د سوداګرو په استازیتوب، د مالیې وزارت مشرتابه په ځانګړي ډول د ګمرکونو معین څخه مننه وکړه او د تېرو کلونو د مالیاتي اسنادو د بررسۍ ستونزې د حل غوښتنه یې وکړه. همدارنګه، د ګمرکي اسنادو د پروسې په تسریع کې د لا زیاتو اسانتیاوو په برخه کې یې د دې ادارې د مشرتابه جدي توجه وغوښته.
د ګمرکونو مرستیال د اتاق له لومړي مرستیال څخه د سوداګرو د ستونزو په شریکولو کې د نه ستړي کیدونکو هڅو څخه مننه وکړه او ژمنه یې وکړه چې د سوداګرو د مالیاتي اسنادو د څېړنې موضوع ته به جدي پاملرنه وکړي.
