د افغانستان د خصوصي روغتونونو اتحاديې عمومي ناسته د افغانستان د سوداګرۍ او پانګونې اتاق مدیره پلاوي غړي او د روغتیا کمېټې رئیس ښاغلي احمد ضیاء عظیمي شینوزاده او د خصوصي روغتونونو د رئیسانو او استازیو په ګډون ترسره شوه.
ناسته د خصوصي روغتونونو اتحاديې رئیس ښاغلي ډاکټر فردین غرمان په وینا پیل او ورپسی د خصوصي روغتونونو استازیو په خصوصي روغتونونو کې د شتو ستونزو په اړه د خبرو کولو او ځانګړو وړاندیزونو ترڅنګ، د اتاق د روغتیا کمېټې له رئیس وغوښتل چې یادو ستونزو ته د پای ټکي کیښودو په موخه د روغتیا سکتور اړوند چارواکو سره دوی ته د ناستو ترسره کولو زمینه برابره کړي او دوی وکولی شي چې خپلو ستونزو ته د حل مناسبې لارې چارې پیدا او له منځه يي ویسي.
ښاغلي شینوزاده د خصوصي روغتونونو ستونزو تائیدلو ترڅنګ، د دوی د ستونزو د له منځه وړلو په موخه د روغتیا سکتور اړوندو چارواکو سره د ناستو په تنظیمولو کې د افغانستان د سوداګرۍ او پانګونې اتاق له بشپړې همکارۍ خبر ورکړ.
په افغانستان کې ۵۵۷ خصوصي روغتونونه فعالیت کوي چې په تیر حکومت کې د ډیر شمیر ستونزو سره لاس او ګریوان وو. یاد خصوصي روغتونونه تمه لري، چې د افغانستان اسلامي امارت به د دوی شتو ستونزو ته د پای ټکي کیښودو ترڅنګ، په روغتیا سکتور کې د پانګه اچونې برخه کې لازمې آسانتیاوې رامنځته کړي.
