د افغانستان د سوداګرۍ او پانګونې اتاق اجرائیه کمېټې یو ویشتمه ناسته ترسره شوه

د افغانستان د سوداګرۍ او پانګونې اتاق اجرائیه کمېټې یو ویشتمه ناسته د افغانستان د سوداګرۍ او پانګونې اتاق عمومي رئیس ښاغلي توکل احمدیار تر ریاست لاندی او د مدیره پلاوي لومړي مرستیال ښاغلي محمد یونس مهمند، د دارلانشاء رئیس ښاغلي خان محمد سرفراز باز، مالي رئیس ښاغلي شیرین آغا سخي، نړیوالو اړیکو رئیس ښاغلي انجنیر سید جاوید برهان او د عامل پلاوي مالي او اداري مرستیال او سرپرست ښاغلي میرویس هوتک په ګډون په مرکزي دفتر کې ترسره شوه.

په پیل کې د دارلانشاء رئیس ښاغلي خان محمد سرفراز باز په اجنډا کې شاملې موضوعګانې د ناستې ګډونوالو سره شریکې کړې.

ورپسی د عامل پلاوي مالي او اداري مرستیال او سرپرست ښاغلي میرویس هوتک د عامل پلاوي راپورونه وړاند کړل او د اجرائیه کمېټې او عامل پلاوي په وړاندیزونو تر هر اړخیز بحث وروسته، لازمې پریکړې وشوې.