د اسلامي هېوادونو د سوداګرۍ، صنعت او کرنې اتاق اته دیرشمه عمومي ناسته ترسره شوه

د اسلامي هېوادونو د سوداګرۍ، صنعت او کرنې اتاق د اجرائیه کمېټې اته دیرشمه عمومي ناسته د یاد اتاق د رئیس شیخ ښاغلي عبدالله صالح په مشرۍ او د ۵۷ اسلامي هېوادونو د سوداګرۍ، صنعت او کرنې اتاقونو د مرستیالانو په ګډون د عمان په مسقط ښار کې جوړه او په یاده ناسته کې د افغانستان له لوري د افغانستان د سوداګرۍ او پانګونې اتاق عامل پلاوي رئیس ښاغلي شفیق الله عطايي ګډون درلود.

په دې غونډه کې د اسلامي هېوادونو د سوداګرۍ، صنایعو او کرنې اتاق رئیس ښاغلي شیخ عبدالله صالح د غونډې ګډونوالو ته ښه راغلاست ووایه او د اجنډا له پلي کېدو وروسته یې په کمېسیونونو کې دننه بحث پیل کړ او د نظرونو تبادله یې وکړه. البته په دغه غونډه کښې د تاتارستان اتاق د غړيتوب او د تايلند د مسلمانو سوداګرو د اتحاديې د اسلامي خونې د تفتيش موضوع د رايو په اکثريت سره تصويب شوه. دغه راز د اسلامي اتاق د غړو هېوادونو د هغو فعاليتونو او پروګرامونو ستاينه وکړه چې په تېرو څو کلونو کې د اسلامي اتاق د اجرائيوي بورد په مشرۍ پيل شوي دي.

ورپسې د افغانستان د سوداګرۍ او پانګونې اتاق په استازیتوب ښاغلي شفیق الله عطايي د متشبثینو د فعالیتونو په وده په ځانګړي ډول د پانګونې د جلبولو، د مشترکو سټاک شرکتونو په رامنځته کولو، د متشبثینو د کیفیت او ظرفیت لوړولو، د ستروس میوو په انتقال کې د اسلامي هېوادونو د خونو د رول په اړه، د اسلامي خونې تر منځ د شبکې جوړول، د B2Bs اسانتیاوې، د اسلامي خونو ترمنځ د تړونونو لاسلیکول، په اسلامي هېوادونو کې د فرصتونو د ودې او خبرتیا لپاره د مناسبو حل لارو او پلیټ فارمونو په رامنځته کولو خبرې وکړې.

د دغې ناستې په څنډه کې د اتاق د عامل پلاوي رئیس ښاغلي عطايي د عمان د سوداګرۍ او صنایعو خونې د مدیره پلاوي له رئیس محترم انجنیر رضا جمعه الصالح سره وکتل او د همکاریو د پراختیا او پراختیا او د دواړو خونو ترمنځ د همغږۍ په اړه يې وکړې. له بلې خوا د عمان د سوداګرۍ او صنایعو خونې رئیس ژمنه وکړه چې ډېر ژر به د افغانستان د سوداګرۍ او پانګونې اتاق او د عمان د سوداګرۍ او صنایعو خونې ترمنځ په حضوري ډول د همکارۍ تړون لاسلیک کړي. هغه زیاته کړه، د دواړو خواوو ترمنځ د سوداګرۍ او صادارتو فرصتونو باید لاره هواره او علاقمند افغان سوداګرو او پانګوالو ته د عمان د ویزې د اسانتیاوې رامنځته کړی شي.

د غونډې په دوام کې محترم شفیق الله عطايي د اسلامي هېوادونو د اتاق له عمومي منشي سره د افغانستان د سوداګرۍ او پانګونې اتاق سره د ظرفیتونو د لوړولو او نورو مسایلو په اړه د اسلامي خونې د همکاریو په اړه وکتل او نظرونه یې تبادله کړل.