مطبوعاتي اعلاميې

د افغانستان – ایران دوهم ګډ نندارتون

د افغانستان او ایران ترمنځ دوهم ګډ نندارتون نن په کابل ښار کې جوړ شو. دا نندارتون د "نندارتونیزو پروژو مدیریت" ایرانی شرکت لخوا د افغانستان د سوداګرۍ او صنایعو اتاق او د ایران د سوداګرۍ د پراختیا سازمان په مرسته د ۱۳۹۳ کال د سلواغې له ۲۸ مې د کب تر لومړی نېټې د څلور ورځو لپاره د کابل په اورانوس هوټل کې جوړ شو او د سهار له ۱۰ بجو د مازدیګر تر ۵ بجو به د ګډونکونو پرمخ پرانیستی وی.

دانلود

اتاق او د احصائیې مرکزی ادارې د کره شمېرو د ترلاسه کولو لپاره، نوې کړنلاره رامنځته کړله

کومې اقتصادی شمېرې چې تر اوسه د اړوندو ادارو لخوا خپرې شوی، کره او یو شان ندی. له همدې کبله د احصائیې مرکزی اداره او د افغانستان د سوداګرۍ او صنایعو اتاق په پام کې لری څو د صنعتی تولیداتو د کره شمېر او د فعالو او غیر فعالیو فابریکو د شمېرو د مالومولو لپاره داسې کړنلارې پلی کړی څو د ناسمو او څوګونو شمېرو له خپرېدلو څخه مخنیوی وشی.

دانلود


خصوصی متشبثینو لپاره د مالیاتی سیستم د پوهاوی کنفرانس

د مالیې وزارت د عوایدو ریاست او د افغانستان د سوداګرۍ او صنایعو اتاق په ګډه د خصوصی متشبثینو لپاره د مالیاتی سیستم د پوهاوی کنفرانس د ۱۵۰ خصوصی متشبثینو په ځانګړی توګه له کوچنیو او منځنیو سکتورونو، په ګډون د ۱۳۹۳ کال د سلواغې د میاشتې په ۱۴ مه نېټه جوړ کړ.

دانلود


افغان سوداګر لا هم له ناامنۍ، کمزورو بېخبناو او د تقاضا له کموالی څخه سر ټکوی. خو د ښه راتلونکی په باب هیله مندی ډېره شوې ده

د ۱۳۹۳ کال د سلواغې 11 مه کابل، افغانستان: د کاروبار د ټولیزو شرایطو سروی پر بنسټ چې نن د افغانستان د سوداګرۍ او صنایعو اتاق لخوا خپره شوه، په ټوله کې د کاروبار شرایط په مني کې ښه شوي دي. درې میاشتې وړاندې د ټاکنیزو کړکېجونو او سیاسی ناخوالو له امله، سوداګرۍ او پانګې اچونې له ستونزو سره مخ وې. سوداګر لا هم د کاروبارو اوسنی وضعیت د عادی حالت په پرتله خراب بولی خو راتلونکو شپږو میاشتو ته ډېرې هیله مندۍ لری.

دانلود


له مسلکی بشری ځواک سره د سوداګرۍ نښلول د بشری ځواک د ودی او د پوهنتونونو د ملاتړ پروګرام لخوا د افغانستان د سوداګرۍ او صنایعو اتاق سره په همغږی

یاده غونډه له مسلکی بشری ځواک سره د سوداګرۍ د نښلولو په موخه د بشری ځواک د ودی او د پوهنتونونو د ملاتړ پروګرام لخوا د افغانستان د سوداګرۍ او صنایعو اتاق سره په همغږی د چارشنبی په ورځ، د ۲۰۱۴ کال د دسمبر په ۱۷ نیټه د صافی لنډمارک هوټل د کنفرانسونو په صالون کی جوړه شوه.

دانلود

د اسلامی بانکوالۍ د ودې په موخه د اتاق، اسلامی المعالی مشورتی شرکت او د افغانستان مالی او مشورتی اسلامی شرکت ترمنځ پوهنلیک لاسلیک شو

د افغانستان د سوداګرۍ او صنایعو اتاق، د سعودی عربستان متحده اماراتو د اسلامی المعالی مشورتی شرکت او د افغانستان مالی او مشورتی اسلامی شرکت ، د اسلامی بانکوالۍ د ودې او د عامه پوهاوی کمپاینونو له لارې په افغانستان کې د اسلامی مالی سیستم د ملاتړ په موخه یو پوهنلیک لاسلیک کړ.

دانلود


د افغانستان د بیارغونې لومړنی نړیوال نندارتون

د افغانستان د بیارغونې لومړنی نندارتون د افغانستان د سوداګرۍ او صنایعو اتاق، د بیکو شرکت او د اړوندو دولتی بنسټونو سره په همغږي د ۱۳۹۳ کال د لړم د میاشتې له ۲۷ تر ۳۰ مې نېټې د لویې جرګې په خیمه کې ترسره شو.

دانلود