مطبوعاتي اعلاميې

د اتاق د کاروبار وضعیت د شپږمې سروې پایلې

د دې سروې پر بنسټ، د خصوصی سکتور متشبثین نور د ملی وحدت د حکومت د رامنځته کېدو د لومړنیو ورځو په شان د اقتصادی شرایطو د ښه کېدو لپاره خوشبین ندی؛ او په ټوله کې د کاروبار وضعیت د پخوا په پرتله خراب شوی خو کوچنی او د منځنۍ کچې شرکتونه د خپل د کار له وضعیت څخه ډېر سرټکوی.

دانلود

د افغان – ترک پنځم نړيوال نندارتون

د افغانستان د سوداګرۍ او صنايعو اتاق او د افغان – ترک د سوداګرو او صنعتګرو انجمن، په ګډه د څلور کالو وړاندې نندارتونونو په لړ کې دا ځل د افغان – ترک پنځم نړيوال نندارتون  د روان ۱۳۹۴ کال دغوئي د مياشتې  له ۱ – ۴ مې نېټې پورې په کابل کې جوړوی.

دانلود

د کره او معتبرو احصائیوی شمېرو د خپرولو په موخه د احصائیې مرکزی ادارې او اتاق ترمنځ د همغږۍ دوهمه غونډه

د کره او معتبرو احصائیوی شمېره د راغونډولو او د ترلاسه شویو شمېرو په وخت سره خپرولو په موخه د احصائیې مرکزي ادارې او اتاق ترمنځ د همغږۍ دوهمه غونډه، د هېواد یو شمېر صنعتګرو او سوداګرو په ګډون د افغانستان د سوداګرۍ او صنایعو د کنفرانسونو په تالار کې جوړه شوه.

دانلود


افغان سوداګرې مېرمنې " د پرمختګ په لور ژمنو " سره د امریکا ښوونیز پروګرام څخه فارغې شولې

د اوکاهوما ښار – د ۲۰۱۵ کال د مارچ ۱۵، افغان سوداګرې مېرمنې د ژوند په بېلابېلو چارو کې په ټینګ هوډ سره د خپلواکۍ او باورمندۍ د ترلاسه کولو لپاره، چمتوالۍ نیسی څو د خپل کاروبار مثبت بدلون نړی ته وروښایي. دا ۲۴ مېرمنې نن "سوله د سوداګرۍ له لارې" تر نامه لاندې د یو ښوونیز پروګرام څخه چې د مېرمنو د اقتصادی پرمختګ انستیتیوت لخوا او د افغانستان د سوداګرۍ اوصنایعو اتاق په همکارۍ جوړ شوی وه، فارغې شولې.

دانلود


اتاق او د کسبګرو ملي اتحادیه پر عایداتو د مالیاتو په قانون کې د سمون غوښتونکي دي

په 1393 کال کې د مرکز زون د عوایدو ریاست پر عایداتو د مالیاتو د قانون  د 66 او 75 موادو مطابق د کوچنیو مالیه ورکونکو لپاره د مالیې د ټاکلو نوې کړنلاره رامنځته کړله چې په پایله کې د تېر کال پر مالیاتو له 200 تر 700 سلنه ډېروالی او په اټکلیزه ټوکه د مالیو ټاکل پکښې شامل دی، چې دا کار د کسبګرو د پراخې نارضایتۍ لاملی شوی دی. که څه هم دا موضوع اجراییې رئیس او د وخت له مالیې وزیر سره په بېلابېلو غونډو کې شریکې او د کسبګرو نیوکې وړاندې کړی شوی دی، خو تر اوسه یې کومه پایله ندی درلودلې. د کسبګرو ملی اتحادیه او د افغانستان د سوداګرۍ او صنایعو اتاق پر عایداتو د مالیاتو د قانون په ۶۶ او ۷۵ مادو کې د سمونونو د راوستلو غوښتونکی دی څو له کسبګرو څخه په شفافه توګه مالیه واخیستل شی.

دانلود

د افغانستان – ایران دوهم ګډ نندارتون

د افغانستان او ایران ترمنځ دوهم ګډ نندارتون نن په کابل ښار کې جوړ شو. دا نندارتون د "نندارتونیزو پروژو مدیریت" ایرانی شرکت لخوا د افغانستان د سوداګرۍ او صنایعو اتاق او د ایران د سوداګرۍ د پراختیا سازمان په مرسته د ۱۳۹۳ کال د سلواغې له ۲۸ مې د کب تر لومړی نېټې د څلور ورځو لپاره د کابل په اورانوس هوټل کې جوړ شو او د سهار له ۱۰ بجو د مازدیګر تر ۵ بجو به د ګډونکونو پرمخ پرانیستی وی.

دانلود

اتاق او د احصائیې مرکزی ادارې د کره شمېرو د ترلاسه کولو لپاره، نوې کړنلاره رامنځته کړله

کومې اقتصادی شمېرې چې تر اوسه د اړوندو ادارو لخوا خپرې شوی، کره او یو شان ندی. له همدې کبله د احصائیې مرکزی اداره او د افغانستان د سوداګرۍ او صنایعو اتاق په پام کې لری څو د صنعتی تولیداتو د کره شمېر او د فعالو او غیر فعالیو فابریکو د شمېرو د مالومولو لپاره داسې کړنلارې پلی کړی څو د ناسمو او څوګونو شمېرو له خپرېدلو څخه مخنیوی وشی.

دانلود