د خپل کار پیل او پراختیا ورکړې وړیا روزنیز پروګرام دویم پړاو په بریالیتوب سره پای ته ورسید

د د (خپل کار پیل او پرمختیا ورکړې) وړیا روزنیز پروګرام دویم  پړاو یوسلو پنځوس تنو فارغانو ته  چې د کار نړیوال سازمان (ILO) ادارې  په مالي مرسته  بېرته راستانه شويو کډوالو او داخلي  بیځایه شويو لپاره چې  د ستاره شرق هوټل په تالار کې جوړ شوی و باور لیکونو په ورکړې سره پای ته ورسېده.

دغه غونډه کې د ننګرهار د سوداګرۍ او صنایعو خونې د مشورتي بورډ مشر ډاکتر مخلص احمد ، د دغې خونې اجراییه آمر ښاغلی ډاکټر شمس الحق، د ولایتي او ولسوالیو اتاقونو د اړیکو مسوول ښاغلي صمیم هاشمي  او د ولایتي  اتاقونو مالي مسوول ښاغلي  ابو بکر بهادري ګډون درلود.

د ننګرهار د سوداګرۍ او صنایعو خونې مشورتي بورډ مشر ډاکتر مخلص احمد  ټولو فارغانو ته د مبارکۍ ورکړې ترڅنګ د کار نړیوال سازمان؛ د کار او ټولنېزو چارو ریاست او  د سلام د پروژی همکاریو څخه قدردانی وکړ.

مخلص احمد دسوداګرۍ په برخه تجربو یادونه وکړه،او فارغو محصلینو ته یې د لا زیاتو بریاو هیله وکړه او د SIYB ټرینرانو څخه یې مننه وکړه او له دې پروګرام د ملاتړ برخه کې یی د هر ډول همکاریو ژمنه وکړه.

نوموړي وویل: د سوداګرۍ خونه د ځوانانو ظرفیت لوړونې ته له کلونو راهیسې فعالیتونه کوي او د سوداګرۍ برخه کې یې ګڼ ځوانان روزلي چې ډېری یې اوس شخصي کاروبارونه لري.

ولایتي او ولسوالیو اتاقونو د اړیکو مسوول ښاغلي صمیم هاشمي وویل: له دې وړاندې یوه بله دوره هم فارغه کړې او تازه فارغ شوو زده کړیالانو ته یې د سوداګریزو چارو پیل په اړه لارښوونې وکړې.

ښاغلي هاشمي وویل: د یو کوچني  کار یا د صادراتو او وارداتو  لپاره اړینه نه ده چې حتمي ډیره پانګونه وشي، بلکه کولای شو په لږو پیسو سره کار و بار  پیل شي  او خپل کار و بار ته پراختیا ورکړو ترڅو تاسې ځان هم  او د ټولنی نورو کسانوته د کار زمینه برابره کړو.

د فارغو زده کړیالانو په استازۍ صبغت الله پاچا د  ټولو همکارو ادارو څخه مننه وکړه او یاد وړیا روزنیز پروګرام یی  ځوانانو لپاره اغیزمن او ګټور پروګرام وباله.

د یادولو وړ ده چې  خپل کاروبار پیل او پرمختیا يې ورکړئ پروګرام، د ښځو او نارینه وو لپاره په ځانګړې توګه  په بیړنيو اقتصادي شرایطو کې، د لا زیاتو او غوره کاري فرصتونو د رامنځته کېدو د یوې ستراتیژي په توګه د کوچنیو کاروبارونو پر پیلولو او پرمختیا په تمرکز سره، د کار نړیوال سازمان له خوا چمتو شوی او یو مدیریتي او روزنیز پروګرام دی. دغه پروګرام، له یو بل سره تړلي څلور بستې یا پکیجونه لري – د خپل کاروبار ایډیا ترتیب کړئ (GYB)، خپل کاروبار پیل کړئ (SYB)، خپل کاروبار ته پرمختیا ورکړئ (IYB) او خپل کاروبار ته پراختیا ورکړئ .(EYB)