د خپل کار پیل او پراختیا ورکړې وړیا روزنیز پروګرام لومړي پړاو په بریالیتوب سره پای ته ورسید

د کب د میاشتی په ۲۹ مه نیټه  د (خپل کار پیل او پرمختیا ورکړې) وړیا روزنیز پروګرام لومړی پړاو (۱۵۸) تنو فارغانو ته  چې د کار نړیوال سازمان (ILO) ادارې  په مالي مرسته  بېرته راستانه شويو کډوالو او داخلي  بیځایه شويو لپاره چې  د ستاره شرق هوټل په تالار کې جوړ شوی و باور لیکونه ورکړل شول.

دغه غونډه کې د ننګرهار د سوداګرۍ او صنایعو خونط  د مدیره پلاوي رییس ښاغلي حضرت ولي هډه وال، د مدیره  پلاوي خدماتي مرستیال ښاغلي ډاکټر نجیب الله صاحبزاده، د کار نړیوال سازمان استازې آغلې بهاره مختار، د ننګرهار د سوداګرۍ او صنایعو خونې اجراییه آمر ښاغلی ډاکټر شمس الحق، د ولایتي او ولسوالیو اتاقونو د اړیکو مسوول ښاغلي صمیم هاشمي  او د ولایتي  اتاقونو مالي مسوول ښاغلي  ابو بکر بهادري ګډون درلود.

لومړی د ننګرهار د سوداګرۍ او صنایعو مدیره پلاوې مشر ښاغلي  حضرت ولي هډه وال  د کار نړیوال سازمان، د ننګرهار ولایت د کار او ټولنېزو چارو ریاست د سلام د پروژی همکاریو څخه مننه وکړه او ټولو فارغینو ته د مبارکۍ ترڅنګ هغوی ته د لازیات بریالیتوب هیله وکړه او ټولو ګډونوالو سره یی د سوداګرۍ برخه کې خپلې تجربې  شریکې کړې یاته یی کړه: د یو کوچني  کار یا د صادراتو او وارداتو  لپاره اړینه نه ده چې حتمي ډیره پانګونه وشي، بلکه کولای شو په لږو پیسو سره کار و بار  پیل شي  او خپل کار و بار ته پراختیا ورکړو ترڅو تاسې ځان هم  او د ټولنی نورو کسانوته د کار زمینه برابره کړو.

ورپسې د ننګرهار د سوداګرۍ او صنایعو خونې د مدیره پلاوي خدماتي مرستیال ښاغلي  ډاکټر نجیب الله صاحبزاده ټولو همکارو ادارو څخه مننه وکړه او یاد وړیا روزنیز پروګرام یی  ځوانانو لپاره اغیزمن او ګټور پروګرام وباله.

صاحبزاده زیاته کړه: " ځوانان د یوه فعاله ځواک په توګه په ټولنه کې د سالمو تغیراتو په راوستلو کې لوی رول لري همدا ځوانان به راتلونکې کې  د هیواد لوی کادرونه جوړوي او د SIYB ټرینرانو څخه یې مننه وکړه او له دې پروګرام د ملاتړ برخه کې یی د هر ډول همکاریو ژمنه وکړه.

د یادولو وړ ده چې  خپل کاروبار پیل او پرمختیا يې ورکړئ پروګرام، د ښځو او نارینه وو لپاره په ځانګړې توګه  په بیړنيو اقتصادي شرایطو کې، د لا زیاتو او غوره کاري فرصتونو د رامنځته کېدو د یوې ستراتیژي په توګه د کوچنیو کاروبارونو پر پیلولو او پرمختیا په تمرکز سره، د کار نړیوال سازمان له خوا چمتو شوی او یو مدیریتي او روزنیز پروګرام دی. دغه پروګرام، له یو بل سره تړلي څلور بستې یا پکیجونه لري – د خپل کاروبار ایډیا ترتیب کړئ (GYB)، خپل کاروبار پیل کړئ (SYB)، خپل کاروبار ته پرمختیا ورکړئ (IYB) او خپل کاروبار ته پراختیا ورکړئ (EYB).