د خونې د مديره پلاوي د لومړي مرستيال ناسته د پانګونې د تعليمې او روزنيزي مؤسسې د مسؤلينو سره

د افغانستان د سوداګرۍ او صنایعو خونې د مدیره پلاوي لومړی مرستیال ښاغلې الحاج خانجان الکوزی د پانګونې د تعلیمي او روزنېزي مؤسسې د رئیس ښاغلي فضل ربې حقبین او همکارانو سره د چهارشنبې په ورځ، د ۱۳۹۷کال د غبرګولي میاشتې په دوهمه د خونې د کنفرانسونو په سالون کې لیدنه وکړه او همدارنګه د مؤسسې د تعلیمي برنامو د خبرتیا تر څنګ، د برنامو د بریالیتوب لپاره د خونې د ملاټر او همکاریو څخه یادونه وکړه.

ښاغلي حقبین، د خونې د همکاریو څخه په منندوی، ښاغلي الکوزي او کارکوونکو ته د مؤسسې د کاري برنامو د پریزنټیشن په وړاندي کولو سره په لنډ ډول تشریح کړه، او همدارنګه د تعلیمي برنامو د پیاوړتیا لپارهد بازار د اقتصاد په برخه کې، او د ۱۰ او ۱۲ صنفونو د ښوونځیو زده کوونکو لپاره په ځانګړي ډول د ننګرهار، پروان، بامیان او د کابل ولایت په ولسوالیو کې د شبکو د جوړولو او آسانتیاوو رامنځته کول دي.

ښاغلي الکوزي، کوم فعالیتونه چې د کورني اقتصاد د پیاوړتیا او د ځوانانو د استعدادونو د لوړتیا لپاره د مؤسسې لخوا ترسره شوي ګټور وبلل، او همداراز وعده یې وکړه چې د خونې او مؤسسې تر منځ د تړون د لاسلیک کولو څخه وروسته، د مؤسسې د برنامو څخه ملاتړ، او په همدې اساس په مرکز او ولایاتو کې چې د مؤسسې د کاري فعالیتونو ساحه وي د خصوصي سکټور همکاري جلب کړي.

د پانګونې تعلیمې او روزنیزه مؤسسه، یو افغاني، غیر انتفاعی او غیر دولتي مؤسسه ده چې د تعلیمي فعالیتونو له لارې په ځانګړې ډول زده کړهد اقتصاد د بازار په بنا، د فقر او فساد سره مبارزه اوسوداګریزو روشونو په اړه او همدارنګهد ډموکراسۍ د ملي بنیاد (NED) په مالي مرسته نور مهم مهارتونه ځوانانو ته زده کوي تر څو په خپلو ځانونو باوري شي او په پایله کې په یو ښه پانګوال بدل شي.