په کابل کې د جمهوري قزاقستان د نوي سفير سره د خونې د عامل پلاوي د رئيس ليدنه

د افغانستان د سوداګرۍ او صنایعو خونې د عامل پلاوي رئیس ښاغلي عتیق الله نصرت، د جمهوري قزاقستان د نوي سفیر جلالتمآب علیم خان یسین ګلدییف سره د سه شنبې په ورځ، د ۱۳۹۷کال د غبرګولي میاشتې په لمړي نیټه خپل کاري دفتر کې لیدنه وکړه. او د دوو هېوادونو تر منځ داقتصادي او د سوداګریزو اړیکو د پراخوالي او تداوم په اړه بحث وکړو.

ښاغلي نصرت، خونې ته د ښاغلي ګلدییف د راتګ د ښه راغلاست تر څنګ، په افغانستان کې د جمهوري قزاقستان د نوي سفیر د مقرریدو په توګه نوموړي ته مبارکي ورکړه او همدارنګه د افغانستان د خصوصي سکټور او خونې سره د پخواني سفیر د ښه همکاریو څخه مننه وکړه، او د همکاریو په دوام تآکید وکړ او د خونې لخوا په تېرو دوو کلونو کې چې کوم کارونه د دوو هېوادونو تر منځ د سوداګریزو اړیکو د پراخوالي لپاره ترسره شوي معلومات ورکړل او په همدې ډول د قزاقستان سره د سوداګرۍ پراخوالې نسبت پاکستان ته د وارداتو یو ښه بدیل وبلل، په ځانګړې ډول د اوړو د تولید په برخه کې یاد کړ. په همدې اساس ښاغلي نصرت، د سوداګریز تواصل، د سوداګریزو پلاوو تبادله او د دوه اړخیزو نندارتونونو کنفرانسونو جوړول د دواړو هېوادونو تر منځ د اقتصادي او سواداګریزو اړیکو لپاره مهم وګڼل، او د خونې د هر اړخیزي همکاریو څخه تعهد وکړ.

ښاغلي علیم خان یسین ګلدییف، د خونې د بلنې او د ښاغلي نصرت د هر اړخیزو معلوماتو څخه مننه وکړه، او د افغانستان د سولې او د امنیت د ټینګښت لپاره د قزاقستان د سیاسي ملاټرڅخه ډاډ ورکړ او د سیاسي ثبات او اقتصادي ودې لپاره د امنیت ساتل مهم و ګڼل.

همداراز د قزافستان سیاسي ـ اقتصادي ډیپلوماسۍ د افغانستان لپاره، د خپل هېواد د لومړیتوبونو څخه یاد کړل او همدارنګه د عامل پلاوي د رئیس د خبرو په تایید وویل، چې د دوو هېوادونو تر منځ د سوداګرۍ پراخوالې، او د سوداګریزو مبادلاتو حجم د ۲۰۰۱۸ کال د ربع لومړنیو کې ۱۷۰ میلیونه ډالر یاد کړل.

ښاغلي ګلدییف، د دوو هېوادنو ترمنځ د سوداګریزو او اقتصادي اړیکو د پراخوالي لپاره دسوداګریز توازن د بیلانس څخه یادونه وکړه، د قزاقستان سفیر د افغاني محصولاتو د لوړ کیفیت څخه په یادونې، او همدارنګه د خونې څخه په حیث  د افغانستان د صادراتود هم غږې کوونکي په توګه غوښتنه وکړه چې د صادراتي اقلامو لست چې قزاقستان هېواد ته صادریږي،  په واک کي ورکړي تر څو د صادارتو د ودې لپاره لاره نورهم پراخه کړي.