د سوداګرۍ او صناېعو خونې د عامل پلاوي رئیس د کار د نړېوال سازمان له مسؤلینو سره وکتل

د افغانستان د سوداګرۍ او صناېعو خونې د عامل پلاوي رئیس د دوشنبې په ورځ د ۱۳۹۷ کال د وري د میاشتې په ۱۳مه نېټه په افغانستان کې د کار د نړېوال سازمان (ILO) د رئیس او ورسره پلاوي سره د خپل کار په دفتر کې وکتل.

په دغه ناسته کې د دوامداره دوه اړخیزه همکارېو په ګډون په خاصه توګه د کار د ملي کنفرانس او نندارتون د جوړولو، پاېلو او د غوره کار اړوند د کارفرمایانو د ملي کنفرانس د لاسته راوړنو او دغه راز په راتلونکو دوه کلونو کې د ظرفیتونو د لوړاوي د برنامو په اړه هوکړه وشوه.