د اندونیزیا له هېواد سره د اقتصادي اړیکو پراختیا

د افغانستان د سوداګرۍ او صناېعو خونې د مشرتابه پلاوي لومړي مرستیال، ښاغلي الحاج خانجان الکوزي   د روان ۱۳۹۶ کال د مرغومي د میاشتې په ۱۲مه نېټه په کابل کې د انډونیزیا له مقیم سفیر جلالتمآب عارف رحمان سره د لیدنې په ترڅ کې د دواړه هېوادونو تر منځ د سوداګریزو اړیکو د پیاوړتیا، ګډو پانګونو، د افغانستان او انډونیزیا د سوداګریزې شورا جوړول او د ګډو برنامو د پلي عملي کولو په اړه خبرې او بحث تر سره کړ.

په دغه لیدنه کې د سوداګرۍ او صناېعو خونې سوداګریز مرستیال، ښاغلي الحاج محمد یونس مومند، د سوداګرۍ او صناېعو خونې د مشرتابه پلاوي غړي الحاج نظام الدین تاج زاده او دغه راز ګڼ شمېر هغه سوداګرو چې د اندونیزیا له هېواد سره راکړه ورکړه لري، ګډون کړې وو.

ښاغلي الکوزي په وروستېو کلونو کې د هېواد له خصوصي سکټور او سوداګرۍ له خونې سره د انډونیزیا د سفارت له ښه اړیکو څخه یادونه وکړه او په دې لړ کې په خاصه توګه د ښاغلي رحمان د رول څخه چې د تېر کال جکارتا د نړېوال نندارتون په جوړولو او د دغه هېواد لخوا د افغان سوداګرو د میلمه پالنې څخه منندویي وکړه.

ښاغلي مومند د سوداګرۍ په برخه کې د انډونیزیا له هېواد سره د افغان سوداګرو  د ورځ تر بلې زیاتېدونکې لېوالتیا په اړه خبرې وکړې او د افغانستان او انډونیزیا تر منځ د هوایي دهلیز د رامنځ ته کولو په د ګډون هلو ځلو غوښتنه وکړه.

دغه راز د سوداګرۍ او صناېعو خونې د انډونیزیا هېواد سفیر جلالتمآب ډاګټر رحمان ته د ستاینې د نښان په اهدا کولو سره د هغه د ښه خدمتونو څخه قدرداني وکړه.