د اتاق د مدیره هییت ۲۴مه ناسته ترسره شوه

د افغانستان د سوداګرۍ او صنایعو اتاق ۲۴مه ناسته د اتاق د مدیره هییت د لومړي مرستیال ښاغلي الحاج خانجان الکوزي تر مشرۍ لاندې د مدیره هییت ګڼ شمېر غړيو، رییس او د عامل پلاوی مالي او اداري مرستیال په ګډون د چهارشنبې ورځ د غبرګولي په ۲۴مه نېټه په اتاق کې ترسره شوه.

په دې ناسته کې د عامل پلاوي د رییس ښاغلي عتیق‌الله نصرت له لوري د ریاست د راپور وړاندې کېدنې ترڅنګ په نورو اړونده اړینو موضوعاتو بحث وشو او لازمې پرېکړې ونېول شوې.