د افغان – جرمن لومړنۍ اقتصادي غونډه ترسره شوه

د افغانستان د سوداګرۍ او صنایعو خونه او د آلمان – افغانستان بنسټ لخوا لومړنۍ اقتصادی غونډه د ۱۳۹۵ کال د سلواغي د میاشتې په ۲۲ مه نېټه ترسره شوه. په دغه غونډه کې د خونې د مدیره پلاوي لومړي مرستیال ښاغلي الحاج خانجان الکوزي او د افغانستان د سوداګرۍ او صنایعو خونې د مدیره پلاوي غړي هر یو ښاغلي محمد داود یوسفزی، ښاغلي الحاج خیر الدین مایل، ښاغلي ابراهیم ظریف، د عامل پلاوې د نړیوالو اړیکو د دیپارتمنت مشر ښاغلي محمد ضیاء‌ عزیزی، د افغانستان- آلمان د ټولنې رئیس ښاغلی الیاس عمر، د ایسین ښار د عادلانه سوداګرۍ مسوول ښاغلي اولیویر پکوهرت، په جرمني کې د افغانستان پخوانی سفیر ښاغلی عبدالرحمن اشرف او د فوم پوهنتون د اقتصاد او مدیریت د څانګې معاون او ۵۰ کسه سوداګر او پانګوال د افغانستان او آلمان د هېوادونو څخه په دغه غونډه کې برخه اخېسی و.

د غونډې په لومړی ورځ، افغاني پلاوي چې د ښاغلي خانجان الکوزي تر مشري لاندې په دې کنفرانس کې یې برخه اخېستی وه، د ایسین ښاروال له توډ هرکلی سره مخ شول او د دواړو هېوادونو ترمنځ پر ګډو اقتصادی فرصتونو خبرې وکړې. ددې کنفرانس په څنډه کې، یاده پلاوي د پکهورت لخوا په پرانیستل شوې نندارتون کې هم ګډون وکړ. په دې نندارتون کې څه دپاسه ۷۰۰ شرکتونه د ۲۹ هېوادونو څخه خپل تولیدات او محصولات ننداری ته وړاندې کړې وو.

په دویمه ورځ کې، د افغانستان – آلمان اقتصادي ټولنه د ښاغلي خانجان الکوزي، ښاغلي الیاس عمر، ښاغلی الیور پکهورت، ښاغلي عبدالرحمن اشرف، او پروفیسور استافین هینمین لخوا پرانېستل شو.

ښاغلي خانجان الکوزي د ګډونوالو او د غونډې د چمتو کوونکو څخه د مننې ترڅنګ وویل: " د افغانستان او آلمان ترمنځ د سوداګریزو اړیکو مخینه نژدی پیړۍ ته رسیږي؛ دا هغه زمان و چې جرمن انجنیرانو د شاه امان الله غازی د اصلاحی پلانونو د تطبیق لپاره افغانستان راغلې وو. د هغه وخت نه راپدیخوا، آلمان د افغانستان کړنې او لاسی صنایعو ته د یو موډل حیثیت لرلو. "

ښاغلي الکوزی زیاته کړه : " په وروستیو کلنونو کې، په تیره بیا د ۲۰۰۲ کال نه راپدیخوا جرمنې د افغانستان په بیارغونه کې اهمیت لرونکې رول ترسره کړې ده؛ د نظامي ماموریت ترڅنګ یې د ښه حکومتولی، د پانګونې د سیستم بیارغولو، اقتصادي پرمختګ، انرژی، اوبه، تعلیم، روغتیا او نورو برخو کې پراخې مرستې یې ترسره کړې دی.

د اتاق د مدیره پلاوې لومړۍ مرستیال د آلمان د مرستو په هکله چې د هېواد په دریو سیمو لکه کابل، هرات او  شمالي ولایتونو ( بلخ، سمنګان، بغلان، کندز، تخار او بدخشان) کې وړاندې شوي دي، ګډونوالو ته معلومات وړاندې کړ.

ښاغلي الکوزي زیاته کړه:" د افغانستان د سوداګرۍ او صنایعو خونه او د هېواد خصوصي سکتور، په تیره بیا هغه کسان چې د افغانستان په شمالی ولایتونو کې فعالیت لري، د آلمان دغو خدمتونو ته د قدر په سترګه ګوري او خپل د مننې مراتب د جرمني هېواد خلکو ته، چې د کاروبار د رامنځته کولو او د افغانستان د اقتصادي پرمختګ په برخه کې فعالیت ترسره کړې ده، وړاندې کوي. GIZ د ۲۰۱۲ کال نه راهېسی د افغانستان د سوداګرۍ او صنایعو له خونې سره د تحقیقاتو د څانګې په رامنځته کولو سره پيل کړه، چې دغه واحد په ربعواره توګه د کاروبار د شرایطو په هکله سروې ګانې ترسره کوی. دا پروژه چې په حقیقت کې د کورنۍ او بهرنۍ پانګونې او سوداګریزو فعالیتونو لپاره یوه مناسب بستر دی، اوس هم دوام لری."

ښاغلي الکوزي وویل، چې د اتاق او د آلمان د مرستو بنسټ د ګډو هڅو له امله د افغانستان په شمالی ولایتونو کې د بادام، غنم، چرګان او لبنیاتو د ځنځيره ای ارزښت په اړه هر اړخیزه څیړنه ترسره شوې ده. دغه څيړنه، هغه شرکتونو ته چې په افغانستان کې د کاروبار د رامنځته کولو لپاره پلان ولري، اساسي معلومات په لاس ورکوی.

د اتاق د مدیره پلاوي لومړۍ مرستیال زیاته کړه: " افغانستان د کانونو، صنعت، انرژۍ، کرنې، ساختمان جوړونه، هوټل او روغتیایي خدمتونو په برخه کې د پانګونې ګڼ شمېر فرصتونو لری."