په کندهار کې د افغانستان او ایران لومړنۍ ګډ نندارتون پرانیستل شو

د افغانستان – ایران ګډ لومړنی ځانګړی نندارتون د کندهار په ښار کې ترسره شوه. دا نندارتون د " د سیستان او بلوچستان د ولایت د نندارونیز شرکتونو " او د " دروازه شرق طلایی نندارونیز شرکت " لخوا د افغانستان د سوداګرۍ او صنایعو خونې په ځانګړي توګه د کندهار د سوداګرۍ او صنایعو خونې، د ایران هېواد د سوداګرۍ د پراختیا سازمان، د سیستان او بلوچستان ولایت د صنایعو او پانګونې د جذبولو د ادارې په مرسته د ۱۳۹۵ کال د مرغومي د میاشتې د ۶ -۹ نېټې پورې د کندهار په تاج محل هوټل کې ترسره شوه.

په دې نندارتون کې افغان او ایراني شرکتونو خپل تولیدات، خدمات او محصلات لکه: خوراکي توکي، صنعتي خدمتونه، تکنالوژی، منسوجات، تعمیراتي وسایل، درمل، لوښي، لاسي صنایع، غالۍ، ودانیز توکې، د کور توکي، روغتیايي توکي، طبي تجهیزات، ښاري خدمتونه په ۸۵ غرفو کې نندارې ته وړاندې کړل.

د دې نندارتون په پرانېست غونډه کې د دوو هېوادونو لوړ پوړي چارواکي لکه د افغانستان د سوداګرۍ او صنایعو اتاق د مدیره پلاوی سوداګریز مرستیال ښاغلي الحاج محمد یونس مومند، د ایران د سیستان او بلوچستان ولایت سرپرست والی ښاغلي جمشید نژاد، د کندهار والي ښاغلي داکتر همایون عزیزي، په کندهار کې د ایران د هېواد سرکنسل ښاغلي سید سعید قادري او د کندهار ولایت د مختلفو اداراتو کارکوونکي، سوداګرو او پانګوالو برخه اخیستي ول.

ښاغلی الحاج محمد یونس مومند راغلي میلمنو ته د ښه راغلاست ترڅنګ د نندارتونو په اهمیت خبرې وکړې او وویل: " د کندهار ولایت له والي ښاغلي عزیزي څخه نړۍ مننه کوم، چې د کندهار ولایت سوداګرو سره یې تل مرسته کړی دی. د نندارتونونو پرانیستل په حقیقت کې  د هېوادونو ترمنځ د پانګه ایزو او اقتصادي اړیکو د رامنځته کیدو پیلامه ده."

ښاغلي مومند پخواني ګډ تاریخي، فرهنګي او سیاسي اړیکو ته په اشاره وویل: " ایران د افغانستان د لویو صادرکوونکې هيوادونو له ډلې څخه دی، چې افغانسنتان ته د دې هېواد د صادراتو کچه نژدې ۳ میلیاردو ډالرو ته رسیږي، دا په داسي حال کې دی چې زمونږ د صادراتو کچه یواځي ۳۰۰ میلیونه ډالرو ته رسیږي. د دې لپاره چې د صادراتو او وارداتو د تساوی اصل رعایت شي، مونږ د ایران هېواد له چارواکو څخه غوښتنه کوو، څو د افغانستان د صادراتو په وړاندې مخصوص ګمرکي تعرفي او د افغانستان د تازه او وچه میوو د صادراتو په برخه کې دې ځانکړي ترجیحي تعرفه په نظر کې ونیول شی"

ښاغلي همایون عزیزي خبرې وکړی او وویل : "د کندهار او د سیستان او بلوچستان د سوداګریزو خونو له مسوولینو مننه کوم، چې په کندهار کې یې د د دواړو هېوادونو د تولیدي توکو د ګډ نندارتون په جوړولو زحمت ګاللي دي."

ښاغلي عزیزي زیاته کړه: " په کندهار کې د دې نندارتون په لاره اچول به د دواړو هېوادونو اړیکې نور هم پیاوړي کړي."

د ایران هېواد د سیستان او بلوچستان د ولایت والي ښاغلي جمشید نژاد د دواړو هېوادونو ترمنځ د سوداګریزو اړیکو پر لا زیاتیدو ټینګار وکړ.

په کندهار کې د ایران د هېواد سرکنسل ژمنه وګړله څو د ترجیحي تعرفو په هکله به د ایران له چارواکو سره خبرې وکړي.