د افغانستان د سوداګرۍ او پانګونې اتاق مدیره پلاوي خپله شپاړسمه ناسته ترسره کړه

د افغانستان د سوداګرۍ او پانګونې اتاق مدیره پلاوي شپاړسمه ناسته د افغانستان د سوداګرۍ او پانګونې اتاق عمومي رئیس ښاغلي توکل احمدیار تر مشرۍ لاندی او د مدیره پلاوي لومړي مرستیال ښاغلي محمد یونس مهمند، سوداګریز مرستیال ښاغلي خیرالدین مایل احمدي، پانګه ایز مرستیال ښاغلي سلطان محمد صافي، خدماتي مرستیال ښاغلي نصیر احمد عرب، مالي رئیس ښاغلي شیرین آغا سخي، د نړیوالو اړیکو رئیس ښاغلي انجنیر سید جاوید برهان، عامل پلاوي رئیس ښاغلي شفیق الله عطايي، د مدیره پلاوي غړیو هر یو ښاغلي خان جان الکوزي، ذکریا بریالي، آذرخش حافظی، محمد داود یوسفزي، احمد ضیاء عظیمي شینوزاده، احمد شکیب احمدیار، ضیاءالدین اچکزي او بهادر خیرخواه په ګډون په مرکزي دفتر کې ترسره شوه.

په ناسته کې، د قرآن کریم د څو آیتونو په تلاوت سره شهیدانو ته د مغفرت دعا وشوه او د زلزلې زیانمنو سره د اتاق د مشرتابه پلاوي له لوري د ۱۵ میلیونه افغانیو مرستې اعلان وشو.
 
د ناستې اجنډا د ښاغلي ذکریا بریالي له لوري مطرح او ښاغلي عطايي د عامل پلاوي کاري راپور وړاندی کړ.
 
په یاده ناسته کې، د اجرائیه کمېټې د ۱۹مې ناستې د پریکړو او مدیره او عامل پلاوو وړاندیزونو په اړه بحث وشو او په اړه يې لازمې پریکړې ونیول شوې.