د اتاق او د جهان لوړو زده کړو موسسې ترمنځ د دوه اړخیزو همکاریو هوکړه لیک لاسلیک

د هېواد پوهنتونونو او لوړو زده کړو موسسو سره د افغانستان د سوداګرۍ او پانګونې خونې د همکاریو لړ کې ، د اتاق او د جهان لوړو زده کړو موسسې ترمنځ د دوه اړخیزه همکارۍ هوکړه  د شنبې ورځ د 1398 کال د چنګاښ پر 15مه د اتاق د غونډو تالار کې لاسلیک شوه.

د اتاق د عامل پلاوي د پالیسۍ او تخنیکي مرستیال ښاغلي شفیق الله عطایي ، د جهان پوهنتون سرپرست او استادانو ته د ښه راغلاست ترڅنګ له خصوصي پوهنتونونو سره د محصلینو د کار زده کړې برخې او سوداګرۍ او پانګونې خونه کې د پوهنتونونو او لوړو زده کړو موسسو لخوا  ورځ تربلې زیاتیدونکي غړیتوب اخیستلو یادونه وکړه او د پوهنتونونو د فارغانو د کار زده کړې او شرکتونو او خصوصي بنسټونو ته  د فارغانو پېژندنې برخو کې یې د اتاق او اړوند ډیپارټمنټ د هر راز همکارۍ ژمنه وکړه.

د جهان لوړو زده کړې موسسې سرپرست ښاغلي عبدالقدوس نوري له خصوصي پوهنتونونو او له ډلې یې د جهان لوړو زده کړو موسسې سره د اتاق له ښې او تلپاتې همکارۍ ستاینه وکړه او هیله یې وښوده چې د دې هوکړه لیک په لاسلیک سره به د اتاق او ذکر شوې تحصیلي موسسې همکاري نوره هم پياوړې شي.

هغه زیاته کړه، د جهان لوړو زده کړو موسسه د غوره او مسلکي ښوونکو درلودنکې ده او له ښو تخنیکي امکاناتو او غوره ښوونیزو شریطو برخمن ده او مونږ د هغو محصلینو لپاره چې د اتاق له لوري معرفي شي ښه تخفیف په پام کې نیولی دی.